Факультеттің мақсаттары мен міндеттері

Ш. Есенов атындағы Каспий технологиялар және инжиниринг университетінің 2024–2029 жылдарға арналған стратегиялық даму жоспарына (24.02.2024 ж.) сәйкес факультеттің мақсаты – сапалы білім беру мен ғылыми-зерттеу қызметін жүйелі түрде дамыту арқылы университеттің ұлттық және халықаралық деңгейдегі, соның ішінде түркі әлемі кеңістігіндегі бәсекеге қабілетті жетекші жоғары оқу орны ретінде қалыптасуына үлес қосу.

1. Білім беру сапасын арттыру
   Еңбек нарығының қазіргі талаптарына сай білім беру бағдарламаларын тұрақты түрде жаңарту, профессор-оқытушылар құрамының біліктілігін арттыру, сондай-ақ профессор-оқытушылар мен студенттер үшін академиялық ұтқырлықтың халықаралық және шетелдік бағдарламаларын дамыту.
2. Ғылыми-зерттеу әлеуетін нығайту
   Ғылыми жарияланымдардың сапасы мен санын арттыру, гранттық және бағдарламалық-нысаналы қаржыландыру жобаларына қатысуды кеңейту, отандық және шетелдік ғылыми ұйымдармен бірлескен зерттеу жұмыстарын жүзеге асыру.
3. Студенттік және рухани-мәдени ортаны дамыту
   Студенттік клубтар мен қоғамдық бірлестіктердің жұмысын жандандыру, білім алушылардың тұлғалық, көшбасшылық және азаматтық қасиеттерін дамытуға бағытталған ғылыми, мәдени және тәрбиелік іс-шараларды (конференциялар, семинарлар, форумдар, дөңгелек үстелдер) ұйымдастыру.